GMA show, top 4 sa last quarter ng 2006

Hawak pa rin ng GMA ang top ranking sa ratings ng mga shows dahil lumabas na ang mga programa nito ang nakapuwesto sa Top 4 programs noong 4th quarter ng 2006 (Oktubre hanggang Disyembre) mula sa official Mega Manila TV Households data na inilabas ng AGB Nielsen Media Phils., Inc.

Base sa nasabing data, apat sa OVERALL TOP 5 Programs for the 4th quarter of 2006 ay mga programa ng GMA Network, at ang apat na programang ito ay umookupa sa top 4 na positions.

#1 ang Captain Barbell sa rating na 31.4%, #2 ang Bakekang (30.4%), #3 ang Atlantika (29.4%), #4 ang 24 Oras (28.9%), at #5 ang Kapamilya Deal or No Deal ng ABS-CBN (28.6%).

Ang nabanggit na Overall Top 5 Programs ay siya ring nakapuwesto sa TOP 5 PRIMETIME Programs na pareho ang ranking at ratings.

Para sa TOP 5 DAYTIME Programs, #1 ang Eat Bulaga ng GMA (22.7%), #2 ang Wowowee ng ABS-CBN (20.3%), #3 ang Ghost Fighter ng GMA (18.6%), #4 ang Jewel in the Palace By Popular Demand ng GMA (18.1%), at tabla sa #5 spot sa parehong rating na 17.7% ang Pilipinas Game KNB? ng ABS-CBN at Daisy Siete ng GMA.

Tatlong GMA programs ang nanguna sa listahan ng TOP 5 NEWS AND PUBLIC AFFAIRS Programs. #1 ang 24 Oras (28.9%), #2 ang Kapuso Mo Jessica Soho (24.6%), #3 ang TV Patrol ng ABS-CBN (24.1%), #4 ang Imbestigador ng GMA (23.6%), at #5 ang XXX Exklusibong Explosibong Expose ng ABS-CBN (21%).

Sa mga LATE NIGHT NEWS AND PUBLIC AFFAIRS Programs, #1 ang Saksi Liga ng Katotohanan ng GMA (9.6%), #2 ang SOCO (Scene of the Crime Operatives) ng ABS-CBN (9.4%), #3 ang Emergency ng GMA (7.2%), #4 ang I-Witness ng GMA (7.1%), at #5 ang Flash Report Special Edition ng GMA (7%).