Human sa tanang panghitabo nahugno ang kalibutan, nahanaw ang bughaw nga langit og natak-upan sa bagang kadag-uman ang tibuok kawanangan.

Paghilak sa langit ang mipuli sa pahiyom sa adlaw. Tumang kagabhion ang tataw nga nihulip sa kahayag sa palibot og makabungol nga kamingaw ang nahibilin human sa awit sa mga langgam. Ang panaghoy sa mga kahoy nahulipan sa pagkusp-kuso sa unos.

Nibagnos ang masakit nga kaagi sa iyang kasingkasing og bagbilin og dakong uwat pagkahilom sa samad. Di man mahitupngan ang kalipay sa pagkakaplag apan mas lawom ang duot sa pagkawala.

Unsaun nalang ang buwak kung walay kahumot, ang langgam kung walay tingog, ang dagat kung walay tubig, ang kasingkasing kung walay gugma?

Unsaun nalang?