Gihidlaw ko

Ang dagway nga maaninag sa adlaw

Gihunahuna ko

Ang kaagi nga walay sama

Giampo ko

Nga sa kangitngit hinaot makaplagan

Ang kasingkasing ko

Nga gibutyag ang tukmang gibati

Gihandom ko

Ang katahum sa imong espiritu

Gipangandoy ko

Nga sa untop nga panahon

Mahikam ko

Ang katakos sa gugma mo

Gisakit ko

And pag-antos sa kamingaw

Gipas-an ko

Ang kasakit sa imong dughan

Gipangandoy ko

Sa hangin ang gihinam sa kasingkasing

Gipanghinaot ko

Nga makapaabot ka sa kadugay